Ad image

Transportuesit e udhëtarëve kërkojnë heqjen e akcizës dhe TVSh-së për naftën

Kosova News
Kosova News 18:59 -10/06/2022

Këshilli drejtues i Shoqatës së Transportit Rrugor të Udhëtarëve me autobusë, ka mbajtur mbledhjen e jashtëzakonshme, ku është diskutuar për vështirësitë dhe pasojat e theksuara që po i bartin operatorët e këtij sektori nga gjendja e rënduar në vendin tonë.

Sipas një komunikate të kësaj shoqate, tash e një kohë ky sektor është ballafaquar me vështirësi të shumta duke filluar nga pandemia Covid-19, për të vazhduar pastaj me problemet tjera përcjellëse nga mospërkrahja dhe mungesa e subvencioneve e deri më tani te problemet e ngritjes drastike të çmimeve të derivateve të naftës në Kosovë.

‘Shoqata e Transportit Rrugor të Udhëtarëve ka kërkuar nga Qeveria e Republikës së Kosovës që për një periudhë të caktuar kohore të hiqet akciza për furnizimin me derivatet e naftës për sektorin e transportit rrugor të udhëtarëve me autobusë apo lirimin nga TVSH të furnizimit me derivatet e naftës, deri në normalizimin e situatës së krijuar. Miratimi i këtyre kërkesave do t’i ndihmonte kompanitë që janë në prag të falimentimit dhe njëkohësisht do të mbronte interesin publik të qytetarëve si masë parandaluese për rritjen e çmimit të biletave”, thuhet në njoftim.

Shpërndaje