Ad image

Adrian Zalli ka të ardhura vjetore rreth 50 mijë euro, i tërhoqi mjetet e Trustit

Kosova News
Kosova News 17:23 -14/06/2022

Drejtori menaxhues i Fondit të Kursimeve Pensionale të Kosovës (Trust), Adrian Zalli, mbetet ndër zyrtarët më të paguar në vend dhe ende nuk ka shtëpi të vet, e që jeton me qira.

Drejtori Zalli ka deklaruar pagë vjetore prej afër 50 mijë euro dhe rreth 300 mijë euro para të gatshme në bankat komerciale të Kosovës dhe amerikane.

Tashmë kur po diskutohet mundësia e tërheqjes edhe të një përqindje të mjeteve nga Trusti, në vitin 2020, Zalli kishte tërhequr 10 për qind të kursimeve pensionale në Trust, në vlerë prej 16 mijë e 579 euro.

Kjo nënkupton se kontributet e drejtorit Zalli në Trust kanë arritur vlerën e përgjithshme prej mbi 160 mijë euro.

Zalli ka deklaruar një veturë të blerë në vitin 2007 në vlerë prej 12.700 euro.

Agjencia Kundër Korrupsion ka publikuar formularët të martën formularët e deklarimit të pasurisë për zyrtarët publik, ndër ta edhe për drejtorin e Trustit, Adrian Zalli./kp/

Shpërndaje