Kryetar i Partisë Demokratike të Kosovës (PDK), Memli Krasniqi në përkujtimin e masakrës së Srebrenicës ka thënë se edhe sot shumë kriminelë serbë vazhdojnë të endën të lirë.
“Fatkeqësisht, qindra kriminelë serbë që sollën shumë vdekje e shumë dhimbje në Ballkan, vazhdojnë të enden të lirë, pa marrë asnjëherë dënimin e merituar”, ka shkruar Krasniqi në Facebook.
Ai ka shtuar se kriminelët serbë nuk i kanë kursyer as fëmijët e gratë, duke shtuar se edhe Kosova ka vuajtur nga i njëjti mentalitet.
“I njëjti mentalitet sistematik, i orkestruar e gjakatar serb, i ngritur mbi vdekjet e përndjekjet, me karakter të pastër gjenocidal e duke mos kursyer askënd, u realizua edhe në Kosovë më 1998-99”, ka thënë Krasniqi.
Edhe kryetari i AAK-së, Ramush Haradinaj përmes një postimi në Facebook thotë se masakra në Srebrenicë dhe vrasjet tjera masive në Ballkan, të kryera nga regjimi i Millosheviqit, mbeten njolla të pashlyera në ndërgjegjen e njerëzimit, derisa nuk vendoset drejtësia.
“Bashkëndjejmë me popullin e Bosnjës dhe e kuptojmë dhembjen e tyre”, shkroi ndër të tjera kreu i AAK-së,
