Pesë euro është shuma që qytetarët duhet të paguajnë për vizitë në Qendrat e Mjekësisë Familjare jashtë zonës së tyre të banimit. Ata thonë se kjo shumë është e lartë dhe po kërkojnë që të ndryshohet.
Taksë problematike e konsiderojnë edhe nga Shoqata për të Drejtat e Pacientëve në Kosovë. Ndërkaq, QKMF-ja në Prishtinë thotë se ka dërguar shkresa për sqarime dhe korrigjime të udhëzimit administrativ në Ministrinë e Shëndetësisë.
“Me përjashtim të rasteve emergjente, qytetarët që kërkojnë shërbime në institucionet e Kujdesit Parësor Shëndetësor [KPSH] jashtë zonës së banimit të caktuar nga institucionet përkatës…”, thuhet në udhëzimin administrativ për Bashkë pagesat e shërbimeve shëndetësore të MSH-së.
Bedri Jahja, banor i Prishtinës, thotë se kjo pagesë është e padrejtë.
Qytetari tjetër, Gani Canolli shprehet se pagesa në këtë rast do të duhej të ishte më së shumti 3 euro.
Njëjtë shprehet edhe Senad Ejupi.
Lidhur me këtë pikë të udhëzimit administrativ, kryetari i Shoqatës për të Drejtat e Pacientëve në Kosovë, Besim Kodra thotë se kjo taksë do të duhej të ishte vetëm për qytetarët që kërkojnë shërbim jashtë komunës së tyre.
Ndërkaq, zëvendësdrejtori i Qendrës Kryesore të Mjekësisë Familjare në Prishtinë, Bujar Gashi thekson se kanë marrë ankesa dhe kërkesa për sqarim nga qytetarët lidhur me pikat e udhëzimit administrativ.
Ndryshimi i vlerës së kësaj pagese, thotë Gashi, ka shkaktuar shqetësim tek pacientët.
Por, sipas tij, nuk ka masë penalizuese, por vetëdijësuese.
PrizrenUdhëzimi administrativ nr. 03/2024 “Bashkë pagesat për shërbimet shëndetësore” ka hyrë në fuqi në vitin vitit 2024.
Ndërkaq pagesa për shërbime brenda zonës së banimit është 1 euro./KP/
