Kryetari i ashtuquajturës “Komisioni Parlamentar për Kosovë dhe Metohi”, Milovan Drecun, në një intervistë për Tanjug, tha se kontaktet e Memli Krasniqit të PDK-së dhe Lumir Abdixhikut të LDK-së me zyrtarë dhe diplomatë Amerikanë dhe Evropianë, janë paralajmërim i zgjedhjeve të reja për, siç ka thënë ai largimin e Albin Kurtit nga pushteti dhe formimin e koalicionit PDK-LDK, transmeton KosovaNews.
“Tashmë mund të shihni disa kontakte mes përfaqësuesve të Lidhjes Demokratike të Kosovës dhe Partisë Demokratike të Kosovës me zyrtarë dhe diplomatë Amerikanë dhe Evropianë. Duket se, ndoshta, e gjithë kjo është e drejtuar drejt zgjedhjeve të reja të mundshme dhe ri-rregullimin të pushtetit, që Albin Kurti thjesht të largohet nga pushteti dhe ndoshta këto dy parti formojnë shumicën”, ka thënë Drecun.
Duke folur për krizën e shkaktuar në veri të Kosovës për shkak të targave ilegale, Drecun, tha se aktualisht duhet të presin në mënyrë që diskutimet e Brukselit me Prishtinën të përfundojë me tërheqjen e Kosovës nga zbatimi i vendimit për targat.
“Vetë fakti që Borrelj ftoi Besnik Bislimin, për të biseduar me Miroslav Lajçak tregon se BE-ja është e vetëdijshme se problemi është në Prishtinë, dhe se duhet të zgjidhet duke hequr dorë nga synimet e saj”, tha Drecun.
Ai ka thënë se këto synime qartazi kanë për qëllim provokimin e një konflikti në veri të Kosovës.
“Duket se një shkëmbim intensiv i pikëpamjeve dhe pozicioneve midis Brukselit dhe Prishtinës është duke u zhvilluar dhe duhet pritur, për shkak të pozicioneve të vendeve Perëndimore, veçanërisht SHBA, që Prishtina në momentin e fundit, të pranojë sugjerimet e tyre”, tha Drecun.
Ai theksoi se zgjidhja nuk është shtyrja e zbatimit të vendimit të njëanshëm por braktisja e tij dhe arritja e një marrëveshjeje në një periudhë të mëvonshme përmes bisedimeve me Beogradin.
“Pa këtë, nuk ka kthim të përfaqësuesve politikë të Serbëve në institucionet e vetëqeverisjes së përkohshme, si dhe pa formimin e asociacionit së komunave Serbe”, tha Drecun.
Ai vlerësoi se do të ishte mirë që Prishtina të mos ndëshkonte Serbët që nuk i ri regjistruan veturat e tyre pas skadimit të afatit të caktuar.
“Ne duhet të presim për të parë nëse aktivitetet e kryera nga BE-ja ndaj institucioneve të përkohshme në Prishtinë do të sjellin ndonjë rezultat”, tha Drecun.
Ai shtoi se arritja e një marrëveshjeje që do të vononte zbatimin e vendimit të Kosovës për targat ose shfuqizimin e plotë të saj, që është kërkesë e Beogradit, do ta bënte të pamundur siç ka thënë ai, që Prishtina të përdorte dhunë.
“Do të ishte një kontribut i rëndësishëm në zvogëlimin e mundësisë së konflikteve më të gjera. Në njoftim shihet mundësia që Prishtina të përfitojë nga situata dhe sërish të provokojë destabilizim, tensione dhe konflikte të mundshme përmes thirrjes së zgjedhjeve në katër komunat në Veri të Kosovës. Prishtina, në vend që ta zgjidhë arsyen e problemit, edhe më tej i komplikon gjërat, shkon me forcë, me kërcënimin e frikësimit të Serbëve”, ka thënë Drecun.
Duke folur për zgjedhjet që do të organizohen në veri të Kosovës më 18 dhjetor, Drecun theksoi se është mjaft e qartë se numri më i madh I Serbëve nuk do të dalin në zgjedhje, nëse ato mbahen.
“Pavarësisht kësaj, Prishtina dëshiron që në njëfarë mënyre t’i mbajë këto zgjedhje dhe madje Nga Komisioni Qendror I Zgjedhjeve njoftojnë se do t’i njohin rezultatet, pa marrë parasysh sa njerëz dalin. Do të dalin Disa Shqiptarë, ndoshta disa Boshnjakë, por Serbët nuk do të dalin. Ky është një njoftim i ri destabilizimi. Po kalojmë nga një situatë e keqe në një tjetër më keq”, tha Drecun./KosovaNews
