Papu Gomez është pezulluar për dy vjet pasi rezultoi pozitiv në doping.
Kampioni i Botës me Argjentinën, ka kryer testet në nëntor të vitit 2022, në Sevilla, disa ditë para fillimit të Kupës së Botës.
Ai pretendon se mori shurupin e fëmijëve të tij pa u konsultuar me mjekët e klubit.
Lajmin e ka konfirmuar edhe klubi i Monzas, e cila ka marr një letër zyrtare nga ana e FIFA-s.
“AC Monza njofton se ka marrë sot – 20 tetor 2023 – nga FIFA, nëpërmjet FIGC, njoftimin për dënimin e shkallës së parë të Komisionit Spanjoll Anti-Doping, të lëshuar ndaj futbollistit Alejandro Dario Gomez.
Dënimi parashikon dy vjet përjashtim nga aktivitetet sportive.
Prania e Terbutalinës u konstatua në mostrat biologjike të futbollistit.
Është një ilaç i marrë për të qetësuar një krizë bronkospazme, në tetor 2022, kur futbollisti u regjistrua në Sevilla FC.
Pozitiviteti është rezultat i një supozimi të pavullnetshëm.
AC Monza rezervon të drejtën të vlerësojë hapat e ardhshëm procedural.”, thuhet në komunikatë.
Kujtojmë që Gomez u zyrtarizua te skuadra e Monzas vetëm 15 ditë më parë.
