Në 24 vjetorin e themelimit të Policisë së Kosovës, ky institucion ka filluar me aktivitete në sheshin “Ibrahim Rugova” dhe sheshin “Skënderbe”, në Komunën e Prishtinës.
Po ashtu, të gjithë qytetarët e Kosovës nga ora 10:00 kanë mundësinë që t’i vizitojnë të gjitha stacionet policore që është quajtur edhe “Porta e Hapur’’, për nder të kësaj dite.
Ministri i Punëve të Brendshme, Xhelal Sveçla si dhe DrejTori i Përgjithshëm i Policisë së Kosovës kanë vizituar nga afër paisjet e njesive policore të vendosura në sheshin e Prishtinës.
Gjithashtu, përveç ministrit Sveçla dhe drejtorit të Policisë së Kosovës, Gazmend Hoxha në këtë aktivitet mori pjesë edhe ministrja e Drejtësisë, Albulena Haxhiu e cila pa nga afër paisjet e forenzikës të Policisë, që shërbejnë për zbulimin e krimeve të ndryshme.