Ambasadori i Shteteve të Bashkuara të Amerikës në Republikën e Kosovës, Jeffrey M. Hovenier, është takuar sot me përfaqësuesit e Qeverisë së Kosovës dhe shoqërisë civile.
Ai ka shkruar në platformën ‘X’, se ka qenë një mundësi e mirë sot për të diskutuar drejtësinë tranzicionale me përfaqësuesit e qeverisë së Kosovës dhe shoqërisë civile.
“E vlerësova përqendrimin e tyre në mënyrën se si të avancohen premtimet kritike të bëra në Deklaratën e Pavarësisë së Kosovës: Të përkushtuar për t’u përballur me trashëgiminë e dhimbshme të së kaluarës së afërt në frymën e pajtimit dhe faljes. Të përkushtuar për mbrojtjen, promovimin dhe nderimin e diversitetit të popullit tonë”, ka shkruar diplomati amerikan në ‘X.
Për këtë takim ka shkruar në ‘Facebook”, edhe zëvendësministri i Ministrisë së Drejtësisë, Vigan Qorolli. Në takim ka marrë pjesë edhe drejtori i Institutit për krimet e kryera gjatë luftës në Kosovë, Atdhe Hetemi.
