Policia e Kosovës ka njoftuar se në 24 orët e fundit janë raportuar dy raste të dhunimit ku viktimat janë vajza të mitura.
Një e mitur është dhunuar në Prizren. Sipas policisë rasti ka ndodhur dje, ndërsa i dyshuari është arrestuar.
‘I dyshuari mashkull kosovar është shoqëruar në polici nën dyshimin se i njëjti ka keqpërdorur seksualisht viktimën femër kosovare (të mitur)”, njoftoj policia.
Me vendim të prokurorit, i dyshuari pas intervistimit është arrestuar dhe dërguar në mbajtje.
Ndërsa edhe në Prishtinë policia ka njoftuar se një vajzë e mitur është dhunuar.
Sipas policisë rasti ka ndodhur me datën 8 qershor, kurse viktima rastin e ka raportuar në Polici dje.
Lidhur me rastin policia nuk raporton për të arrestuar ndërkohë që rasti po hetohet.
“Viktima femër kosovare (e mitur) ka raportuar se me datën e lartë cekur ishte abuzuar seksualisht nga një i dyshuar mashkull i panjohur. Rasti nen hetime”, njofton Policia.
Dhunohet e mitura në Prishtinë
Edhe në Vushtrri sipas policisë një vajzë e mitur është ngacmuar seksualisht ndërsa i dyshuarië shtë arrestuar.
“Është arrestuar i dyshuari mashkull kosovar nën dyshimin se i njëjti e ka ngacmuar seksualisht viktimën femër kosovare (e mitur). I dyshuari është intervistuar dhe me vendim të prokurorit është dërguar në mbajtje”, njofton polciia përmes raporti 24 orësh.
