Ministri i Mjedisit, Planifikimit Hapësinor dhe Infrastrukturës, Liburn Aliu, i ka dërguar në Prokurori, të gjitha gjetjet që përmban raporti i auditimit që u është bërë projekteve të dhëna në pesë vitet e fundit në fushën e ujërave.
Kështu ka njoftuar nëpërmes një postimi në llogarinë e tij në rrjetin social Facebook, zëdhënësi i Lëvizjes Vetëvendosje, Arlind Manxhuka, raporton Kosovanews.
“Përgjatë këtyre që ishin pjesë e auditimit, janë nënshkruar kontrata për rregullimin e shtretërve të lumenjve në vlerë prej 130 milionë eurosh, ndërkaq janë bërë pagesa rreth 43 milionë euro, por cili prej shtretërve të lumenjve është i rregulluar?!”, ka shkruar ai, duke treguar se auditimi është kryer nga grupi punues me iniciativë të ministrit Aliu.
“Ky raport, ku janë të gjitha gjetjet, më pas është dorëzuar në Prokurori”, ka shkruar Manxhuka.
