Deputetja e Kuvendit të Kosovës nga Partia “Guxo”, Jeta Statovci ka reaguar ndaj PDK-së, pasi kjo e fundit e dërgoi në Gjykatën Kushtetuese gjashtëmbëdhjetë ligje të miratuara në Kuvendin e Kosovës.
Deputetja Statovci ka thënë se dërgimi Ligjt për Sigurimin e Detyrueshëm Shëndetësor dhe Ligji për Byronë e Konfiskimit të Pasurisë së Pajustifikueshme, është po aq e pajustifikueshme sa edhe vet pasuria e tyre që klasifikohet si e tillë, që sipas saj është krijuar nga sundimi i dobët i ligjit nga e kaluara.
20 ligjet e miratuara nga pushteti në seancën e zhvilluar të enjten e kaluar, sot janë dërguar në Gjykatë Kushtetuese
Ka qenë shefi i grupit të PDK-së në Kuvend, Abelard Tahiri ai që ka dorëzuar në institucionin më të lartë të drejtësisë ligjet në fjalë.
Tahiri i ka dorëzuar 16 ligjet e miratura në Kuvend në Gjykatën Kushtetuese.
“E pajustifikueshme, ashtu si dhe vet pasuria e tyre.
Dërgimi në kushtetuese i ligjeve si LIGJI PËR SIGURIMIN E DETYRUESHËM SHËNDETËSOR; LIGJI PËR BYRONË E KONFISKIMIT TË PASURISË SË PAJUSTIFIKUESHME; LIGJI PËR BANIMIN SOCIAL DHE TË PËRBALLUESHËM si dhe ligjet kryesore për anëtarsimin e Kosovës në SEPA, etj, është po aq e pajustifikueshme sa edhe vet pasuria e tyre që klasifikohet si e tillë – e krijuar në kushte të sundimit të dobët të ligjit nga e kaluara, dhe gjatë një tranzicioni të shfrytëzuar për interesa grupore.
Qytetarët po ju shohin!”, ka thënë Statovci në një postim në facebook.
