I mbijetuari i Masakrës së Dubravës njëherit deputeti i Lëvizjes Vetëvendosje Enver Dugolli javën e kaluar i ka dërguar një letër ushtruesit të detyrës së Prokurorit të Specializuar në Hagë Alex whiting.
Dugolli këtë gjë e bërë të ditur gjatë ditës së sotme para gazetarëve në një konferencë për media, ai tha se këtë gjë e ka bërë për faktin se kryetarja e kryetarja e Dhomave të
Specializuara, znj. Ekaterina Trendafilova, ka mohuar që Gjykata Speciale është një-etnike shkruan KosovaNews.
“Në një intervistë të vitit 2021, kryetarja e Dhomave të Specializuara, znj. Ekaterina Trendafilova, ka mohuar që Gjykata Speciale (siç njihet tashmë) të jetë një-etnike. Kjo gjykatë, shpjegoi ajo, ka jurisdiksion mbi krime kundër njerëzimit, krime lufte dhe krime të tjera sipas ligjeve të Kosovës, të cilat kanë nisur ose janë kryer në Kosovë ndërmjet 1 janarit 1998 dhe 31 dhjetorit 2000, nga, ose ndaj qytetarëve të Kosovës ose ish Republikës Federale të Jugosllavisë. Për më tepër, ajo pohoi se:ligji e pasqyron qartë se [Gjykata] nuk është themeluar për të nisur procedura kundër një grupi etnik të caktuar Vendimi se kush të akuzohet është ekskluzivisht i Prokurorit të Specializuar,duke u bazuar në hetimet e zyrës së tij dhe disponueshmërinë e provave” ka thënë para gazetarëve i mbijetuari i Masakrës së Dubravës
Dugolli shtoi se në kërkesën e dërguara në Hagë ka dëshmi të mjaftueshme për të hapur hetime dhe për të ngritur aktakuzë kundër zyrëtarëve të lartë shtetëror të Serbisë të cilët ishin përgjegjës për Masakrën e Dubravës.
“Këtë e kam bërë në cilësinë jo vetëm të dëshmitarit, por edhe të mbijetuarit të kësaj masakre, të cilën organizata Human Rights Watch e ka quajtur një ndër ngjarjet më të këqija të luftës në Kosovë Nëse Gjykata Speciale vërtet nuk është një-etnike, atëherë nuk ka asnjë arsye pse të mos hetohen krimet lidhur me planifikimin dhe kryerjen e kësaj masakre. Nga viti 1999, deri më sot, asnjë zyrtar i Serbisë nuk është akuzuar nga asnjë gjykatë, për këtë krim monstruoz. Ka ardhur koha për ti dhënë fund kësaj mosndëshkueshmërisë”
Tutje, Dugolli tha se Gjykata Speciale duhet të dëshmojë që do t’i gjykojë ata që kanë kryer krime vërtetë përmes masakrave të shumta e vrasjeve masive siç ka ndodhur në majin e vitit 1999 në burgun e Dubravës.
Dugolli tha se këtë krim e kanë adresuar edhe në institucionet vendore një grup të mbijetuarish në Prokurorinë e Pejës mirëpo deri më tani nuk ka asnjë rezultat. Ai tha se edhe vet ka dhënë dëshmi në EULEX në vitin 2013 mirëpo kjo gjë nuk është marrë parasysh as nga Institucionet Ndërkombëtare.
Ndërmjet datave 19 e 23 maj 1999, në burgun e Dubravës u krye masakër mbi të burgosurit shqiptarë nga forcat serbe, ku rreth 1.000 shqiptarë iu nënshtruan terrorit për katër ditë ku u vranë dhe masakruan 160 të burgosur , kurse mbi 300 u plagosën.