Deri sa kohën e fundit faktori ndërkombëtar është duke rritur trysninë mbi Kosovën për zbatimin e marrëveshjes për themelimin e Asociacionit të komunave me shumicë serbe, edhe zërat kundër krijimit të tij sa vijnë e shtohen.
Sot sërish ka reaguar deputeti i Kuvendit të Kosovës nga radhët e Lëvizjes Vetëvendosje, Artan Abrashi, i cili ka cituar ish- deputetin Rexhep Selimi, për të kundëtshtuar Asociacionin.
“Me këtë hartë është ilustruar jo vetëm harta e Zajednices por edhe ato zona ex-territoriale që vinë si rrjedhojë. Zajednica do ta bënte Kosovën jo si kanton zviceran por si djath zviceran. “Zajednica” është kancer i Kosovës – Rexhep Selimi”, ka shkruar Abrashi në rrjetin social, ndërsa ka publikuar edhe një fotografi të vetë Selimit që dikur i kundërshtonte marrëveshjet e nënshkruara për krijimin e Asociacionit.
Kujtojmë se marrëveshja për formimin e Asociacionit të komunave me shumicë serbe në Kosovë është nënshkruar 10 vjet më parë. Por, ajo nuk është zbatuar asnjëherë. Atë e nënshkruan krerët e Qeverisë që udhëhiqej atë kohë nga koalicioni LDK-PDK.
