Trajneri i Milanit, Sergio Conceicao, ka thënë se skuadra e tij ka nevoj ende për përmirësim.
Tekniku portugez i cili vetëm në javën e parë pasi nënshkroi me kuqezinjët, arriti ta fitonte Superkupën e Italisë, duke shënuar dy fitore të mëdha ndaj Juventusit e Interit, nuk duket shumë i kënaqur, shkruan IndeksOnline.
Ai beson dhe kërkon që futbollistët e tij të përmirësohen edhe më shumë gjatë muajve në vazhdim.
“Unë mendoj se ata që mendojnë se fitimi i një Superkupe është i mjaftueshëm nuk mund të punojnë në Milan. Është e vërtetë, e kemi shijuar dhe e kemi merituar, por jemi 17 pikë në krye të tabelës. Një klub që ka fituar 19 kampionate dhe shtatë Champions League nuk mund ta ketë barkun plot me Superkupën.
Një nga gjërat që nuk shkoi mirë në derbi për mendimin tim është se ne bëmë gabime në presing. Ka shumë gjëra që duhen përmirësuar, pa dyshim, mënyra e duhur për të përjetuar suksesin është të mendojmë se ka një tjetër përpara nesh që është shumë më e rëndësishme. Më pëlqeu, madje kërceva, por tashmë në avionin e kthimit po mendoja për ndeshjen e nesërme”, ka deklaruar Conceicao.
