Kapiteni Brahim Shatrolli është emëruar komandant i Policisë në Lipjan.
Kështu ka bërë të ditur zëdhënësi i Policisë së Kosovës, Baki Kelani.
“Pas rastit të fundit i cili ka ndodhur në Lipjan, komandanti i Stacionit Policor në Lipjan, Kapiten Argjend Gashi ka kërkuar lirim nga pozita e Komandantit të Stacionit dhe kërkesa e tij është aprovuar. Në pozitën e Komandantit të Stacionit Policor ne Lipjan, është emruar Kapiten Brahim Shatrolli.”
Ndryshe, sot komandanti i Stacionit Policor në Lipjan, Argjend Gashi ka ofruar dorëheqje morale nga pozita, pas vdekjes së 27-vjeçarit, Agon Zejnullahu në Lipjan, rast për të cilin dyshohen të përfshirë pesë policë.
“Agon Zejnullahu ka vdekur në orët e para të datës 7 korrik, në Lipjan.
Seanca dëgjimore ndaj pesë policëve të dyshuar për rastin e vdekjes së 27-vjeçarit, Agon Zejnullahu, është mbajtur të mërkurën në Lipjan.
Ndërsa autoritetet po vazhdojnë hetimet, presidentja e vendit, Vjosa Osmani ka bërë thirrje për transparencë të plotë dhe përgjegjësi institucionale.
Edhe kryeministri në detyrë, Albin Kurti ka apeluar për hetime të shpejta e të thella.
Sipas pamjeve që janë shpërndarë media dhe rrjete sociale, i ndjeri shihet me duar të lidhura.
Ky rast ka nxitur reagime të shumta, derisa një protestë është mbajtur dje në Ferizaj, e të tjera janë paralajmëruar.
Sipas Institutit të Mjekësisë Ligjore ende nuk ka raport për vdekjen e 27-vjeçarit.
