Pas muajit të shenjët të Ramazanit, miliona besimtarë myslimanë sot në mëngjesi iu drejtohen xhamive në mbarë botën për faljen e namazit të Fitër Bajramit.
Bajrami nuk ka një datë të përcaktuar, ai varet nga shfaqja e hënës së re. Kremtimet e Fitër Bajramit shënojnë dhe fundin e muajit të shenjtë të Ramazanit.
Shumë besimtarë e përdorin këtë festë edhe si kohë për të dhuruar, sepse i gjithë muaji i Ramazanit përbën në vetvete një kohë reflektimi.
Agjërimi, tipari kryesor i tij, është një prej 5 shtyllave të Islamit dhe një moment tejet shpirtëror për myslimanët anembanë botës që të fokusohen tek vetëpastrimi, qetësia, durimi dhe përkushtimi ndaj fesë.
Ndryshe, manifestimi qendror për festën e Fitër Bajramit për Republikën e Kosovës është mbajtur në Xhaminë e Madhe në Prishtinë.
Manifestimi filloi në orën 5:21, me faljen e namazit të sabahut, pas të cilit u mbajtën ligjërata tematike kushtuar kësaj feste nga profesori i Medresesë, Shkëlzen Hoxha.
Me rastin e festës së Fitër Bajramit, ditën e parë, më 10 prill 2024, Kryesia e BIK-ut, si tradicionalisht, organizon pritje për urim në selinë e Kryesisë nga ora 9:00-12:00.