Presidenti i Shqipërisë Bajram Begaj mori pjesë në inaugurimin e murales që evokon epokën e artë të Skënderbeut dhe inauguroi ndërtesën e bashkisë së re të komunës së Cerzetos. Begaj vlerësoi lidhjen shpirtërore e arbëreshëve me atdheun të shprehur edhe nëpërmjet arkitekturës.
“Kur hyra në këtë bashki të re, pikturat me rrugët e ngushta dhe kalldrëme më kujtuan direkt Krujën. Është shumë bukur të shohësh se si lidhja shpirtërore e arbëreshëve me atdheun është shprehur edhe nëpërmjet arkitekturës. E gjithë kjo, së bashku me ruajtjen e ritit, kulturës, gjuhës arbëreshe, veshjes, është unikale”, u shpreh Begaj.
“Ju faleminderit juve dhe paraardhësve tuaj për këtë akt patriotik të jashtëzakonshëm!Vijoni ta trashëgoni te fëmijët dashurinë tuaj për atdheun! Ne do të përpiqemi me të gjitha mundësitë tona të mbështesim këtë shpirt të jashtëzakonshëm atdhedashës tuajin”, vlerësoi Presidenti Begaj.
Presidenti Begaj i shprehu gjithashtu kryetarit të bashkisë së Cerzetos mirënjohjen për atë që kjo komunë bën për të mirëritur emigrantë nga vendet me paqe të kërcënuar duke dëshmiar një tipar tjetér tonin, mikëpritjen.
