Bayer Leverkusen ka marrë tre pikë të rëndësishme në udhëtim ndaj Borusia Dortmundit, në ndeshjen e vlefshme për javën e 16-të të Bundesligës.
Kampioni në fuqi i Gjermanisë, shënoi fitore në stadiumin ”Signal Iduna Park”, me rezultat 2-3, shkruan IndeksOnline.
Skuadra e drejtuar nga Xavi Alonso e nisi shumë mirë ndeshjen, duke shënuar dy gola të shpejtë.
Nathan Tella hapi serinë e golave qysh në minutën e parë, derisa Patrik Schick dyfishoi rezultatin në minutën e 8-të.
Pas katër minutave, Jamine Gittens shënoi golin e parë për Dortmundin, duke ngushtuar rezultatin në 1-2.
Schick me golin e dytë personal riktheu diferencën prej dy golave për Leverkusenin. Me rezultat 1-3 u mbyll pjesa e parë.
Në pjesën e dytë, Dortmund arriti të ngushonte përsëri rezultatin, me golin eSerhou Guirassy, i cili u tregua i sakt nga penalltia në minutën e 79-të, por që nuk arritën të marrin pikë nga kjo përballje.
Kujtojmë që nga minuta e parë për Bayer Leverkusenin luajti edhe mesfushori kosvar, Granit Xhaka.
Me këtë fitore, Bayer Leverkusen shkon në kuotën e 35 pikëve dhe renditet e dyta në tabelë, me një pikë më pak se lideri Bayern Munchen.
Në anën tjetër, Borusia Dortmund renditen në pozitën e gjashtë, me 25 pikë
