Ministria e Shëndetësisë ka themeluar Grupin Punues për hartimin e protokollit klinik për Profilaksë para infektimit me HIV.
Këtë e ka bërë të ditur organizata Csgd Kosovo, organizatë Joqeveritare, njofton KosovaNews.
Sipas tyre, angazhimet që Kosova ta ketë në dispozicion këtë medikament, kanë filluar kohë më parë.
PrEP (Pre-exposure prophylaxis) është një ilaç me recetë të rekomanduar nga mjeku që merret për të parandaluar infektimin me virusin HIV.
Profilaksa gjithashtu është për personat që janë në rrezik të kontraktimit të HIV, por që nuk e kanë kontraktuar virusin. Përdoret për të reduktuar rrezikun e infektimit me HIV.
