Në mëngjesin e sotëm një person ka rënë nga një repart i spitalit në QKUK.
Si shkak i kësaj i njëjti ka pësuar lëndime trupore.
Rastin e ka konfirmuar zëdhënësja e policisë për rajonin e Prishtinës, Flora Ahmeti.
“Sot rreth 09:30, kemi pranuar informatën se në QKUK në Prishtinë, një person ka rënë nga një ndërtesë (repart i spitalit) dhe i njëjti ka pësuar lëndime trupore”, ka thënë Ahmeti.
Ajo bën të ditur se hetuesit policor në koordinim me prokurorinë janë duke punuar për t’i sqaruar të gjitha rrethanat që lidhen me rastin.
“Personi i lënduar është dërguar për tretman mjekësor, ndërkohë që hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin”, thekson Ahmet.
