Avokati i njohur, Tomë Gashi ka reaguar pas dhënies së deklaratave të ndryshme në media rreth rastit të vrasjes së Liridona Ademajt.
Ai në këtë rast ka shtruar edhe pyetjen se si disa “ekspertë” po e dinë motivin e rastit.
“Këshillë për “ ekspertët“ kujdestar të motiveve. Motivi i vrasjes se Liridona Ademetaj kurrë nuk do te dihet.
Hamendësime edhe mund të keni, por motivin e vërtet kurrë nuk do të dini. Naim Murseli e organizoj vrasjen e Liridones me mos u ditur kurrë motivi. Po ju “eksperta”, motivin si po e dini. Ju ka thënë këtë Naimi apo si …!”, ka shkruar ai në rrjetin social Facebook.
Liridona Murseli u vra të mërkurën në një inskenim si grabitje që dyshohet se u porosit nga bashkëshorti i saj. Për rastin, përveç Naim Murselit, janë arrestuar edhe dy të tjerë, njëri prej të cilëve dyshohet të jetë dorasi.
