Në Panaja të Vlorës raportohet të ketë pasur gjuajtje me armë zjarri drejt një automjeti, e për pasojë dyshohet se ka të vrarë dhe të plagosur.
Persona ende të paidentifikuar, dyshohet për dy persona, kanë qëlluar me armë zjarri në drejtim të një makine, ku dyshohet se udhëtonin viktimat dhe i plagosuri.
Mediat nga Tirana raportojnë se makina e viktimave është ndjekur nga autorët, dhe pasi është qëlluar me armë në drejtim të tyre, automjeti ka dalë nga rruga.
Sakaq është gjetur dhe një mjet i djegur në afërsi të Levanit., që dyshohet se u përket autorëve.
Policia ndodhet në vendin e ngjarjes, ndërsa po punohet për zbardhjen e plotë të saj.
