Declan Rice e është bërë lojtari i preferuar i thuajse çdo tifozi të Arsenalit, pavarësisht se ai u bashkua me londinezët këtë verë.
Mesfushori anglez e ka zëvendësuar për mrekulli Granit Xhakën në rolin më të thellë, ndërsa ka kontribuar edhe në sulm me vrapimet e tij të zgjuara përpara.
Mikel Arteta e ka pranuar ndikimin e Rice në anën e tij në një intervistë të fundit për Goal, duke thënë se ai është shumë inteligjent.
“Rice është jashtëzakonisht inteligjent për të lexuar situata, për të ndarë lojën, për të fituar duele – duele vendimtare në zona të caktuara të fushës që na lejojnë të kundërshtojmë dhe të përparojmë në situata vërtet të rrezikshme”.
“Ai është me të vërtetë modest, qesharak, me të vërtetë punëtor. Ai është jashtëzakonisht i përkushtuar në gjithçka që dëshiron të bëjë. Declan dëshiron të fitojë gjithçka që bën. Me të vërtetë e lehtë, ai është i integruar në ekip në një mënyrë vërtet pozitive”, tha Arteta.
Tutje trajneri spanjoll zbuloi edhe disa prapaskena nga bisedat që kishte me Ricen para se anglezi të transferohej në Emirates Stadium.
“Isha vërtet pozitiv për këtë, sepse kur fola me të, ai më përmendi shumë herë që nga dita e parë, ‘Unë thjesht dua të luaj për Arsenalin dhe dua të luaj me ty’ dhe ai e mbajti fjalën e tij deri në momentin e fundit dhe ne ishim mjaft të mirë për ta marrë atë”, përfundoi Arteta.
24-vjeçari deri më tani ka zhvilluar 22 ndeshje për Arsenalin ku ka realizuar edhe tre gola dhe ka asistuar në dy të tjerë.
