Kosovanews dje raportoi ekskluzivisht se Policia e Krimeve Ekonomike në rajonin e Gjilanit ka arrestuar një pylltar dhe dy persona të tjerë të cilët në bashkëveprim kanë dëmtuar pyjet në këtë rajon.
Lidhur me këtë, Kosovanews merr vesh se nga hetimet e zhvilluara në vijim, sot është arrestuar edhe personi i katërt me inicialet F.J.
I dyshuari këtë vepër dyshohet se e ka kryer në bashkëpunim me tre të tjerë të cilët janë ndaluar dje, dhe me këto veprime dyshohet se dyshuari në fjalë të ketë kryer veprën penale ,,Vjedhje e Pyllit. I njëjti është intervistuar në prezencën e Avokatëve dhe pas intervistës me Aktvendim të Prokurorit, i dyshuari është dërguar në mbajtje për 48 orë.
Kujtojmë se ditë më parë Policia e Kosovës i ka ndaluar 2 kamione me dru të cilët dyshoheshin se po transportonin dru nga prerjet ilegale.
