Policia e Kosovës ka njoftuar se janë arrestuar dy persona për grabitje në Prishtinë të shtunën.
Të dyshuarit më 26 korrik ia kishin vjedhur një zinxhir ari një gruaje.
Policia ka identifikuar T.I., 26-vjeçare, dhe R.A., 29 vjeç. Ata janë dërguar në qendrën e mbajtjes për 48 orë.
“Rasti ka ndodhë me datën 26.07.2024, në rrugën ‘Luigj Gurakuqi’ në Prishtinë, ku personat e dyshuar kanë sulmuar me mjet të mprehtë (thikë), ankuesen dhe të njëjtës i kanë grabitur një zinxhirë ari”, thuhet në njoftim.
