Faton Hajrizi, i dënuar për vepra të rënda penale, vrasje, plagosje dhe grabitje vrasjen ,është arratisur nga Qendra Korrektuese e Smrekonicës. Për këtë arratisje ka njoftuar Shërbimi Korrektues i Kosovës.
Në një njoftim për medie, ShKK-ja ka treguar se tashmë është njoftuar edhe Policia e Kosovës për këtë arratisje.
“Shërbimi Korrektues i Kosovës njofton opinionin publik se i dënuari F. H. është larguar nga Qendra Korrektuese e Smrekonicës, institucion i tipit të hapur.
Ai është gjithashtu përfitues i vikendit. Herën e fundit që ka shfrytëzuar vikendin ishte nga data 01 deri më 03 të këtij muaji.
Për largimin e tij nga institucioni është përgatitur letërrreshtimi dhe është njoftuar edhe policia.
Lidhur me rastin, deri në përfundim të hetimeve, është suspenduar oficeri i dhomës së vëzhgimit, F.R.” – njofton Shërbimi Korrektues i Kosovës.
Foton Hajrizi është i njohur në opinion si i riu 15 vjeçar që ka vrarë një ushtar rus në Skenderaj në vitin 2000. Për këtë Hajrizi në atë kohë ishte dënuar me 5 vite burgim por gjatë mbajtjes së burgut Hajrizi kishte arritur të arratiset ku më pastaj gjatë kohës sa ishte në arrati ai iu bashku një grupi kriminal të cilët kryen grabitje të shumta nëpër Kosovë.
Faton Hajrizi kishte arritur të arratiset edhe 7 herë të tjera nga burgjet e Kosovës.
Hajrizi së fundi ishte dënuar edhe për grabitjen e armatosur në Drenas, ku ishin plagosur 4 pjesëtarë të Policisë së Kosovës dhe një qytetar.
