Apple është kompania më e fundit që ra dakord për një sërë masash mbrojtëse vullnetare për Inteligjencën Artificiale (Al) të krijuar nga administrata e presidentit Joe Biden, ndërsa përpiqet të drejtojë zhvillimin e teknologjisë dhe të inkurajojë kompanitë të mbrojnë konsumatorët.
Administrata njoftoi së fundmi se gjiganti i teknologjisë po i bashkohet radhëve të OpenAI, Amazon, Alphabet, Meta dhe Microsoft në angazhimin për të testuar sistemet e tyre të AI për çdo tendencë diskriminuese, siguri dhe rreziqet e sigurisë kombëtare.
Parimet kërkojnë që kompanitë të ndajnë në mënyrë transparente rezultatet e atyre testeve me qeveritë, shoqërinë civile dhe akademinë – dhe të raportojnë çdo dobësi.
Bëhet e ditur se premtimi vjen pasi Apple është vendosur të inkorporojë aplikacionin chatbot të OpenAI, ChatGPT, në asistentin e komandës zanore në iPhone si pjesë e një grupi të ri të veçorive të AI – një partneritet midis një centrali teknologjik dhe një prej startupeve më me ndikim të Al, shkruajnë mediat e huaja.
Pas shpalljes së partneritetit Apple, OpenAI, shefi ekzekutiv i Tesla, Elon Musk, u zotua të ndalojë pajisjet Apple nga kompanitë e tij nëse softueri me Al i OpenAI integrohet në nivelin e sistemit operativ.
Ai e quajti atë një rrezik sigurie. Musk ka startup-in e tij të quajtur xAI, me një chatbot të quajtur Grok.
Ndryshe, Inteligjenca Artificiale ka shpërthyer në rrjedhën kryesore vitet e fundit, pasi më shumë njerëz familjarizohen me teknologjinë dhe zbulojnë përdorimet e përditshme të saj.
Përdorimi i saj në zbatimin e ligjit, punësimin dhe strehimin, megjithatë, ka tërhequr kritika mbi pretendimet se produktet nxisin diskriminimin.
Biden ka mbrojtur rregullisht përfitimet e teknologjisë së AI, ndërsa gjithashtu paralajmëroi për rreziqet e mundshme dhe kërkon të sigurojë që industria të jetë më e përgjegjshme.
Gjithashtu, Biden nënshkroi një urdhër ekzekutiv gjithëpërfshirës vitin e kaluar që kërkonte që sistemet e fuqishme të AI t’i nënshtroheshin testimit për t’u kualifikuar për blerje nga qeveria federale.
