Prestigjiozja franceze “Le Monde” në një analizë të publikuar sot nga gazetari Jean-Baptiste Chastand u ka dhënë hapsirë ngjarjeve të fundit në Kosovë.
Në analizën e saj gazeta “Le Monde” shkruan se Kryeministri i vendit të vogël ballkanik ka marrë përsipër t’i japë fund mbikëqyrjes faktike të ushtruar nga Beogradi mbi rajonet e populluara nga minoriteti serb.
“Kryeministri i vendit të vogël ballkanik ka marrë përsipër t’i japë fund mbikëqyrjes faktike të ushtruar nga Beogradi mbi rajonet e populluara nga minoriteti serb.
Në moshën 48-vjeçare, z.Kurti po arrin atje ku të gjithë paraardhësit e tij kanë dështuar: t’i japë fund mbikëqyrjes së ushtruar de facto nga Beogradi mbi jetën e përditshme të serbëve që jetojnë në këto katër komuna në veri të këtij të vendit të ndarë dhe që po refuzuan për të njohur sovranitetin e një vendi, i cili megjithatë po përgatitet të festojë, të shtunën, gjashtëmbëdhjetëvjetorin e pavarësisë së tij”
Në analizën e publikuar në “Le Monde” theksohet këmbngulsia e Kryeministrit Kurti në shtrirjen e sovranitetit në veri hap pas hapi që siç e përshkruan gazeta veriu deri në vitin 2021 qeverisej nga Serbia dhe ajo zonë sundohej nga mafiozët.
“Le Monde” thekson se padëgjueshmërinë ndaj fuqive përendimore Kurti po arrinë ta bëj në mënyrë të shkëlqyer duke fituar edhe mbështetjen në masë të madhe në popull.
“Monedha, por edhe targa, karta identiteti, banka, numra telefoni… deri në vitin 2021, pothuajse gjithçka qeverisej në nivel lokal nga Serbia. Por, që kur ka ardhur në pushtet, zoti Kurti është përpjekur hap pas hapi t’i japë fund kësaj situate që prej kohësh e ka shndërruar këtë rajon, më të vogël se Val-d’Oise, në një zonë të sunduar nga mafiozët. I fiksuar pas këtij objektivi, ky njeri, i njohur për ashpërsinë e tij, injoron në mënyrë të shkëlqyer thirrjet për moderim nga fuqitë perëndimore që e kanë mbështetur Kosovën që nga lufta e vitit 1999.”
“Ditë pas dite sundimi i ligjit po përhapet në të katër anët e Republikës së Kosovës, ashtu siç e kemi premtuar”, deklaroi z. Kurti të mërkurën, me rastin e tri viteve të fitores së tij zgjedhore, duke përbuzur edhe më shumë paralajmërime nga Uashingtoni pasi ai gëzon një popullaritet të konsiderueshëm në mesin e shqiptarëve të Kosovës.”
