Situata e krijuar së fundi në veri të Kosovës, ka ndezur edhe debatet televizive në vend, ku po jepen analiza e qëndrime nga më të ndryshmet.
E një analizë ka dhënë sonte edhe analisti i afërt me opozitën, repsktivisht PDK-në, Ismail Tasholli, i cili ka thënë se “është budallaki” të shkohet në veri”.
Ai në emisionin Pressing të T7, ka kritikuar qeverinë për shmangie të real politikës, duke thënë se të parët do të iknin nga lufta.
“Alternativa me shku në luftë në veri, kjo është budallaki. Kushtetuta ta legjitimon atë, por është budallaki politike. Nuk mundemi me shku ne me luftë në veri, të parën kanë me ikë këta, krejt pushteti”, ka deklaruar Tasholli.
Po ashtu, ka deklaruar se shoqëria kosovare nuk duhet bie në gabime duke menduar që “gjithë bota është kundër nesh”.
“Mos sharrojmë kësi lloj gabimesh që na kushtojnë shumë, sepse kemi filluar të artikulohemi mbi këto premisa duke thënë se krejt bota është kundër nesh që nuk është e vërtetë”, ka thënë ai
