Ambasadori i SHBA-së në Kosovë, Jeffrey Hovenier, ka thënë se qëllimi i “Defender Europe ‘23” është që të demonstrohet se Ushtria e SHBA-së është e gatshme dhe e zonja për të zbarkuar pajisjet e trupat dhe për t’i siguruar aleatët dhe për të sprapsur rrezikun.
“Në këtë ushtrim mbi 9000 personalë ushtarakë amerikanë i bashkohen afro 17 mijë ushtarakëve të dhjetëra shteteve tjera. Ky model i mbrojtjes kolektive është i kundërt me tjerët që i përdorin. Fuqizojmë e përforcojmë aleatët tanë në gjithë rajonin. Jemi shumë mirënjohës të shohim FSK-në si kontribuuesen më të madhe të rajonit me mbi 1300 ushtarakë që marrin pjesë në këtë ushtrim”, tha Hovenier në ceremoninë hapëse të mbajtur në sheshin “Skënderbeu” në Prishtinë.
Hovenier ka përgëzuar për reagimin e shpejt të FSK-së gjatë tërmetit në Shqipëri e Turqi. Ai ka thënë se SHBA-ja do të vazhdojë ta mbështesë transformimin e FSK-së.
“FSK-ja i ka bërë kosovarët më të sigurtë, i ka hequr mbi 13 mijë mina e ka reaguar në shumë aksione. Në Qeverinë amerikane kemi kënaqësinë të bashkëpunojmë me Qeverinë e Kosovës, me Ministrinë e Mbrojtjes e FSK-në, derisa të avancojmë tutje drejt një force ushtarake shumëetnike të mbrojtjes territoriale, si[ e kemi synimin. Duam të arrijmë këtë qëllim. Vizioni i përbashkët është i qartë – Kosova të vazhdonë të transferohet nga konsumatorë dhe importuese e sigurisë nga forcat botërore, në një prodhuese dhe eksportuese të sigurisë, duke ndihmuar për të ofruar siguri më të madhe në gjithë botën”, ka thënë Hovenier.
