Ish-deputetja e deritanishme e AAK-së, Albena Reshitaj, i është bashkuar partisë politike Guxo.
Këtë gjë e ka bërë të ditur ministrja e Punëve të Jashtme, Donika Gërvalla-Schwarz, e cila është edhe kryetare e Partisë Guxo. Ajo e ka uruar deputeten Reshitaj për aderim në këtë parti.
Ministrja Gërvalla tha se së bashku me deputeten Albena Reshitaj, do të punojnë me guxim e vendosmëri për një Republikë të fortë e të zhvilluar të Kosovës.
“Mirë se vjen në Partinë Guxo, Prof. Dr. Albena Reshitaj!
Një grua e fortë, me profesionalizëm të dëshmuar, i bashkohet Partisë Guxo.
E rritur në një familje që mishëron vlerat patriotike dhe përkushtimin profesional, prof. Dr. Albena Reshitaj ka dëshmuar vendosmëri dhe lidership në kohët kur Kosovës i nevojiteshin më shumë se kurrë stabiliteti dhe reformat. Angazhimi i saj i guximshëm ka lënë gjurmë, si në politikë ashtu edhe në shoqëri, duke i kthyer profesionalizmin dhe integritetin në shtylla të veprimtarisë së saj.
Së bashku do të punojmë me guxim e vendosmëri për një Republikë të fortë e të zhvilluar të Kosovës.”, ka shkruar Gërvalla në një postim në facebook.
