“Pa leje, por në bashkepunim me komunën, kompania “Andrra” operatori ekonomik i paprekshëm nuk lë vend pa groposur dhe pa dëmtuar pronën publike dhe private të qytetarëve për realizimin e interesave të saj”, kështu bëri të ditur ish-nenkryetari i Komunës së Skënderajt, Nuredin Lushtaku.
Sipas tij, mbrëmë policia ka qenë në vendin e ngjarjes dhe e ka raportuar rastin, mirëpo inspektoriati i komunës, në vend se t’ia ndërpres punimet, i ka ndihmuar operatorit që ta mbulojë krimin.
Tutje Lushtaku u ka bërë thirrje policisë, prokurorisë dhe mediave që të reagojnë për ta ndalur këtë krim që po bëhet nga ky operator i papërgjegjshem i quajtur “ANDRRA”.
“Nuk e ka në plan të dal nga Lagja 1 e qytetit pa e groposur, por frika e qytetarëve është se mos po fillon të gropojë edhe në sheshin Adem Jashari në qytet.
Nëse institucionet përgjegjëse nuk e ndalojnë këtë krim që po e bën kjo kompani, atëherë qytetarët do të detyrohen personalisht ta mbrojnë të drejtën e vet nga kjo kompani”, përfundoi ai.
