Mbrëmë Aeroporti i Prishtinës u alarmua pas një paralajmërimi se është vendosur një bombë në aeroplanin e linjës Romë-Prishtinë. Për disa orë Aeroporti Adem Jashari ka qenë i bllokuar nga forca të shumta të sigurisë të cilat kanë bërë kontrolle të detajuara. Mirëpo ky alarm ka rezultuar të jetë i rrejshëm, kanë deklaruar zyrtarë policorë të premten, të cilët thanë se është kontrolluar aeroplani si dhe të gjitha bagazhet e udhëtarëve.
Shefi i Policisë së Aeroportit, Shpend Maliqi ka thënë se rreth orës 22 kanë pranuar një informacion për kërcënim bombë në aeroplanin që vinte nga Roma në Prishtinë, menjëher pas kësaj kanë reaguar njesitë relevante të policisë dhe pas kontrolleve të imta ka rezultuar se ky alarm është i rrejshëm dhe gjendja sot i është kthyer normalitetit .
