Policia e Kosovës bën të ditur se ka ndërruar jetë fëmija që kishte pësuar lëndime në aksidentin e 24 shkurtit në Grabanicë të Klinës.
Në njoftimin e Policisë së Kosovës thuhet se në aksidentin e 24 shkurtit në fshatin Grabanicë të Klinës ishte i përfshirë një automjet i cili gjatë lëvizjes në drejtim të Prishtinës, humb kontrollin dhe kishte goditur mbrojtësit e rrugës, me ç’rast lëndime kishin pësuar tre persona të cilët menjëherë janë dërguar në Emergjencën e Spitalit rajonal në Pejë, për tretman.
“Pas tretmanit në Emergjencën e Spitalit rajonal në Pejë, njëri nga të lënduarit (fëmija) me udhëzim të mjekut kujdestarë është transferuar për në QKUK në Prishtinë për tretman të mëtutjeshëm.
Më datë 07 Shkurt 2024 rrethe orës 17:40 Policia është informuar nga QKUK se fëmija nuk ka mundur t’i përballoj lëndimeve dhe kishte ndërruar jetë”, thuhet në njoftim.
Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion.
