Një aksident mes tri veturave ka ndodhur sot në magjistralen Prishtinë-Pejë, konkretisht në Vragoli.
Një person ka kërkuar ndihmë mjekësore deri tani, ku të përfshira janë tri vetura, dy me targa vendore dhe një me të huaja. Vetura e tipit Fiat shihet që është goditur më fort.
Këtë e bëri të ditur Daut Hoxha, zëdhënës për media në Policinë e Kosovës.
“Sot rreth orës 15:00 në rrugën nacionale Prishtinë – Pejë, në Vragoli është shkaktuar një aksident trafiku me lëndime dhe dëme materiale”.
“Të përfshira janë dy vetura me targa vendore dhe një me targa të huaja. Deri në këto momente një person ka kërkuar ndihmën mjekësore. Njësitet kompetente policore iu kanë përgjigjur rastit”, ka thënë Hoxha.
