Kryeministri Albin Kurti ka reaguar lidhur me aksidentin me fatalitet që ka ndodhur mbrëmë rreth orës 23:00, te Liqeni i Badocit, ku si pasojë mbetën të vdekur tre të rinj.
Kurti u ka shprehur ngushëllime familjeve duke thënë se ndanë dhimbjen dhe pikëllimin me ta.
Ai u ka bërë thirrje qytetarëve që t’i respektojnë rregullat e komunikacionit.
Postimi i tij:
Vdekje tragjike e tre të rinjve mbrëmë rreth mesnatës. Ngushëllime të sinqerta familjeve, shokëve dhe shoqeve të tyre. Në këtë kohë të rëndë ndajmë dhimbjen dhe pikëllimin me ta.
I lus qytetarët që të kenë kujdes e t’i respektojnë rregullat e komunikacionit si dhe të dekurajojnë të gjithë ata që praktikojnë tejkalimin e shpejtësisë së lejuar apo afirmojnë vozitjen tepër të shpejtë.
