Komuna e Prishtinës ka shmangur rrezikun për dërgim në zgjedhje të Kuvendit Komunal, pasi të mërkurën ka miratuar buxhetin për vitin 2023, falë edhe dy votave nga Aleanca për Ardhmërinë e Kosovës (AAK).
Buxheti i Komunës për vitin 2023, në vlerë mbi 105 milionë euro, u miratua me 26 vota pro, asnjë kundër dhe asnjë abstenim.
Asamblistët e opozitës e kanë bojkotuar përsëri seancën me arsyetimin se kryetari Përparim Rama nuk ka reflektuar në kërkesat e tyre.
Asamblistët e Vetëvendosje, AKR, si dhe e tre të AAK-së, të cilët e kanë bojkotuar këtë pikë të rendit të ditës, me arsyetimin se ekzekutivi nuk e ka anuluar as projektin “Zyra e Arkitektit” të kërkuar nga opozita.
Mirëpo dy asamblistët e AAK-së, Valbona Ajeti dhe Taulant Maxharraj, mundësuan kuorumin dhe votimin e buxhetit.
Mbështetje mori edhe propozimvendimi lidhur me kornizën afatmesme buxhetore për periudhën 2023-2025.
Pas votimit të buxhetit, asamblistët e Lëvizjes Vetëvendosje u kthyen në sallë.
Kuvendi Komunal i Prishtinë e ka miratuar buxhetin e komunës që do ta ketë vlerën e mbi 105 milionë eurove.
Ndryshe, votimi i buxhetit shmang zgjedhjet për kuvend komunal
