Ministri i Financave, Punës dhe Transfereve, Hekuran Murati, ka njoftuar se për këtë vit paga mesatare bruto do të jetë 730 euro në Kosovë.
Kjo është bërë pas caktimit të vlerës së koeficientit prej 105 euro për punëtorët e sektorit publik.
“Me ligjin e ri mesatarja bruto do të jetë 730 euro për vitin 2023, një rritje 17 për qind”, ka thënë Murati në mbledhjen e sotme të Qeverisë.
Ai ka theksuar se për vitin e ardhshëm vlera e koeficientit për pagat parashihet të jetë 110 euro.
Murati njoftoi se nga muaji shkurt do të fillohet me implementimin e ligjit të ri të pagave.
Sot në mbledhjen e Qeverisë së Kosovës u miratua vlera e koeficientit 105 euro për pagat.
