Deputetja britanike Alicia Kearns ka ngritur shqetësimin në Parlamentin e Britanisë së Madhe se me propozimin franko-gjerman, po rrezikohet edhe krijimi i një enklave të re të stilit të Republika Sërpskas në Kosovë.
Kearns ka pyetur gjatë seancës qeveritarët nëse e kanë kundërshtuar këtë ide të krijimit të një Republika Sërpska të re dhe nëse do të bllokohet Republika Sërpska që të manovrojë në bursën e Londrës, duke thënë se me këtë po i financon planet e ambiciet që ka për t’u shkëputur nga territori i Bosnjë-Hercegovinës.
Nga Qeveria e Britanisë ka marrë përgjigjen se autoritetet e Britanisë ndajnë këto shqetësime dhe se po punojnë ngushtë me partnerët për të përkrahur normalizimin e marrëdhënieve Kosovë – Serbi.
“E lehtësuar që Qeveria e ka konfirmuar se nuk do të përkrahë krijimin e një enklave të re serbe në Kosovë. Është kyçe të mos rrënjoset më tej etno-nacionalizimit në Ballkan”, ka shkruar Kearns.
E ish-ministrja e Jashtme e Kosovës, Meliza Haradinaj, e ka falënderuar deputeten britanike.
“Faleminderit Alicia Kearns që ke ngritur shqetësimet tona të sinqerta nga Kosova. Një ‘republikë Dodik’ në Kosovë (siç në mënyrë të paligjshme po planifikon Serbia) do të anulojë angazhimet dekadëshe të Perëndimit për një paqe të qëndrueshme dhe demokraci në Ballkian Perëndimor. Serbët e Kosovës kanë të drejta të zgjeruara në Kosovë – të papara në shumë Kushtetuta moderne”, ka shkruar Haradinaj në Facebook.
Very relieved to hear the Government confirm that they will not support the creation of a Serb-enclave in Kosovo.
— Alicia Kearns MP (@aliciakearns) January 31, 2023
Crucial we do not further entrench ethno-nationalism in the Balkans. pic.twitter.com/RytJaWfAMb
