Një therje me thikë ka ndodhur pak më herët në lagjen Bregu i Diellit në Prishtinë.
Mësohet se deri te rasti dyshohet të ketë ardhur pas një mosmarrëveshjeje në trafik.
Rastin e konfirmoi zëdhënësja e policisë për rajonin e Prishtinës, Flora Ahmeti.
“Sot rreth orës 17:30, kemi marrë informatën për një lëndim trupor të ndodhur në lagjen Bregu i Diellit në Prishtinë.
Bazuar në të dhënat fillestare, dyshohet se pas një mosmarrëveshje në trafik, personi G.B, mashkull, 45 vjeç, është sulmuar me një mjet i mprehtë dhe ka pësuar lëndime trupore.
I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti dhe është duke punuar në identifikimin dhe arrestimin e personit të dyshuar” ka deklaruar Ahmeti
