Ministri i Punëve të Brendshme, Xhelal Sveçla përmes një postimi ka uruar Vitin e Ri, duke thënë se nuk ka asgjë që e ndal forcimin e Republikës së Kosovës.
Sveçla tha se viti që po lëmë pas ishte i mbushur me sprova e arritje, me projekte të përmbushura dhe nisma shpresëdhënëse. Për to kanë punuar me përkushtim mijëra burra dhe gra në shtetin tonë.
Ministri shfrytëzoi rastin që t’ua uroj Vitin e Ri zyrtareve e zyrtarëve policor të Republikës së Kosovës, Zjarrfikësve, Shërbyesve civil kudo në administratën e Kosovës, grave dhe burrave, vajzave dhe djemve që me besnikëri e shpesh edhe me vetëmohim e këmbëngulje i shërbejnë vendit.
“Nuk ka asgjë që e ndal një projekt që i ka ardhur koha. Ai projekt është forcimi i Republikës së Kosovës ashtu siç e duam e ashtu siç e meritoni ju të dashur bashkëqytetarë!
Sonte në familjet tona i kemi dhe bashkëatdhetarët tanë që na vizitojnë për çdo vit. I uroj atyre çdo të mirë në familjet e tyre, pushime të mbara e udhëtim të lehtë!”, shkroi Sveçla në Facebook.
