Presidenti i Shqipërisë, Bajram Begaj, ka njoftuar se tashmë ia ka dorëzuar dekretin e shtetësisë shqiptare, këngëtares së talentuar me famë botërore, Dua Lipës.
Begaj tha se Dua Lipa është krenari shqiptare dhe ka patur kënaqësi të veçantë t’i dorëzoj dekretin e shtetësisë shqiptare këngëtares së talentuar dhe të famshme në të gjithë botën!
“Në vigjilje të 110-vjetorit të shpalljes së pavarësisë së Shqipërisë, nderojmë jo vetëm ato personalitete që në të shkuarën kontribuan dhe ndihmuan në krijimin e shtetit të ri shqiptar, por edhe të gjithë ata që me kontributin e tyre në çdo fushë të jetës i japin vlerë identitetin shqiptar dhe na bëjnë krenarë në çdo moment!
Një artiste si Dua Lipa është një pasuri e rrallë për botën e muzikës dhe në të njëjtën kohë një krenari e jashtëzakonshme për Shqipërinë, Kosovën dhe kudo ku flitet shqip.
Ajo është simbol i talentit, punës së përkushtuar dhe shkëlqimit artistik plotësisht të merituar!”, ka shkruar presidenti shqiptar.
