Lumir Abdixhiku, kryetar i Lidhjes Demokratike të Kosovës, sot është pritur në takim nga kongresmeni amerikan, Robert Aderholt.
I pari i LDK-së, ka thënë se, Aderholt është një mik i madh i Kosovës dhe se, ai ka shtyrë në vazhdimësi pozicionin e Kosovës në Kongresin amerikan dhe politikën e jashtme amerikane.
Tutje, ai ka njoftuar se kongresmenin e ka ftuar për vizitë në Kosovë.
Postimi i plotë:
Në Kongresin Amerikan, u prita nga Kongresmeni Republikan Robert Aderholt. Atij fillimisht i urova rizgjedhjen nga gara e javës së kaluar.
Kongresmeni Aderholt është një mik i madh i Kosovës. Në rolin e bashkëudhëheqësit të grupit për çështjet shqiptare, ai ka shtyrë në vazhdimësi pozicionin e Kosovës në Kongresin Amerikan dhe politikën e jashtme amerikane. Për këtë e falënderova përzemërsisht. Të njëjtin e ftova për vizitë në Kosovë. Populli i Kosovës mbetet falënderues për kontributin e Kongresistëve në momente të ndryshme historike. Për këtë mbështetje kemi nevojë edhe sot.
