Zëdhënësi i Qeverisë së Kosovës, Përparim Kryeziu ka publikuar një listë me pesë ngjarjet kryesore të javës që lamë pas, raporton KosovaNews.
Kësaj radhe, Kryeziu ka listuar pesë arritje të Qeverisë, që i përkasin natyrave të ndryshme, politike arsimore, financiare e kulturore.
Nga natyra politike ka përmendur Samitin e Berlinit dhe nënshkrimin e marrëveshjeve atje, kurse nga ajo ekonomike fitoren e betejës në Gjykatën e Arbitrazhit prej 10 milionë euro nga Telekomi i Kosovës, si dhe pagesat për bujqit, respektivisht grurin.
Ndërsa në aspektin arsimor ka përmendur përurimin e Rrjetit Kombëtar për Hulumtim dhe Edukim, si dhe marrjen nën mbrojtje edhe të 19 aseteve nga Ministria e Kulturës./KosovaNews/
Ky është selektimi i Kryeziut:
Pesë nga ngjarjet kryesore të javës që lëmë pas:
?Në samitin e Berlinit u nënshkrua marrëveshja për lëvizjen e lirë me letërnjoftime në të gjashtë shtetet e Ballkanit Perëndimor, për njohjen e diplomave universitare dhe njohjen e tri profesioneve: mjekëve, dentistëve dhe arkitektëve.
?Edhe një fitore në Gjykatën e Arbitrazhit. Kësaj radhe Telekomi i Kosovës fitoi rastin për padinë që rrezikonte humbjen e 10 milionë eurove.
?U inaugurua Rrjeti Kombëtar për Hulumtim dhe Edukim. Ky rrjet, përmes së cilit do të përfitojnë studentë dhe hulumtuesë, do të lidhë të gjitha institucionet shkollore të vendit me qendrat e edukimit në të gjithë Evropën.
?Pasurohet lista e trashëgimisë kulturore në mbrojtje të shtetit. Ministria e Kulturës mori nën mbrojtje të përkohshme edhe 19 asete tjera.
?U proceduan për pagesa edhe 1.7 milion euro për sasinë e dorëzuar të grurit, duke çuar në 51.7 milionë euro mbështetjen për fermerët – më të lartën ndonjëherë.
<iframe src="https://www.facebook.com/plugins/post.php?href=https%3A%2F%2Fwww.facebook.com%2Fperparim.kryeziu.779%2Fposts%2Fpfbid02a1AnKMEqaxrDe7CU3DkLRNa1A5imeMT5J5cuCGptpapxknmhKPvxfaFqwr6B7hJLl&show_text=true&width=500" width="500" height="736" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>
