Zëvendëskryeministri i parë i Kosovës, i ngarkuar për Integrime Evropiane, Zhvillim dhe Dialog dhe shefi i ekipit të Kosovës për bisedimet me Serbinë, Besnik Bislimi, sot është nisur për vizitë në Beograd për të marrë pjesë në konferencën e Forumit për Marrëdhëniet Etnike mirëpo pak para se të mbërrijë, është ndaluar në vendin e ashtuquajtur Velika Plana.
KosovaNews mëson se Bislimi në të kthyer drejt Merdares, lidhur me këtë, do të dalë para mediave ku do të jep detaje më të hollësishme rreth kësaj ngjarjeje.
Theksojmë se qëllimi kryesor i diskutimit në këtë konferencë, ka qenë vështrimi i gjithanshëm i situatës, sfidave (mundësive të favorshme, por edhe pengesave) për përmirësimin e procesit integrues në BE të Kosovës dhe rajonit”.
Sipas Forumit për Marrëdhënie Etnike, në diskutim përveç Bislimit, të ftuar kanë qenë edhe përfaqësues të trupit diplomatik dhe organizatave ndërkombëtare me seli në Serbi, përfaqësues të institucioneve të Republikës së Serbisë, partive politike dhe organizatave të shoqërisë civile, ekspertë dhe personalitete të njohura publike.
