Dy persona u arrestuan të enjten në Rahovec pasi që kanë sulmuar personin me të cilët janë aksidentuar.
Më pas kanë sulmuar edhe policët që po merreshin me rastin.
Të dy ishin të dehur, ndërsa njëri ka provuar edhe të arratiset nga policia.
“Janë arrestuar dy të dyshuar meshkuj kosovarë, të cilët pasi kanë shkaktuar aksident në trafik e kishin sulmuar fizikisht dhe ia kishin dëmtuar telefonin viktimës mashkull kosovar i involvuar në aksident. Të dyshuarit i kanë penguar, sulmuar dhe i kanë kanosur dy zyrtarë policorë, që kanë qenë duke u marrë me rastin e aksidentit. Dy të dyshuarit kanë qenë nën ndikim të alkoolit dhe njëri prej tyre kur e ka kuptuar se do të dërgohet në mbajtje ka tentuar të arratiset. Si pasojë e rastit viktima dhe njëri nga zyrtarët policorë kanë pësuar lëndime dhe kanë pranuar tretman mjekësor. Me vendim të prokurorit dy të dyshuarit janë dërguar në mbajtje”, thuhet në raportin 24 orësh të PK-së.
