Pesë persona kanë marrë lëndime trupore në një aksident trafiku, i cili ka ndodhur të mërkurën në orën 08:45, në magjistralen Prishtinë-Mitrovicë.
Lajmin e bëri të ditur zëdhënësi i Policisë së Kosovës për rajonin e Prishtinës, Agron Borovci.
Ai tha se në aksident janë përfshirë dy vetura, ndërsa të lënduarit kanë marrë trajtimin e nevojshëm mjekësor.
“Rreth orës 08:45, është pranuar informata për një aksident trafiku rrugor të ndodhur në rrugën magjistrale Prishtinë – Mitrovicë. Në aksident janë përfshirë dy vetura ndërkaq pesë persona kanë pësuar lëndime trupore. Të njëjtit kanë marrë trajtimin e nevojshëm mjekësor”, ka thënë Borovci.
Tutje Borovci tregoi se njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.
