Artistja shqiptare me famë ndërkombëtare, Dua Lipa së fundmi ka shënuar një tjetër sukses të madh.
Krijuesja e hitit “New Rules” ka hyrë në historinë e platformës muzikore Spotify pasi albumi i saj “Dua Lipa (Complete Editon)” ka kaluar shifrën e mbi 10 miliardë dëgjime.
Bazuar në këtë, 27-vjeçarja bëhet artistja e parë femër albumi i të cilës arrin këtë shifër dhe i tretë në përgjithësi në Spotify me një sukses të tillë.
Lajmi u publikua edhe nga një faqe e fansave të artistes shqiptare, që gjithashtu u ripostua nga Dua në llogarinë e saj të Instagramit.
Ndërkohë, aktualisht Dua po vazhdon koncertet nga turneu i saj “Future Nostalgia”, i cili zgjatë deri në vjeshtë kur edhe mbyllet më 16 nëntor në Perth të Australisë.
Ndërsa, sa i përket jetës private, ylli i muzikës së fundmi u fotografua në një darkë me komedianin dhe prezantuesin televiziv, Tervor Noah.
Dyshja e njohur që u panë të afërt me njëri-tjetrin kanë ngjallur spekulime se kanë nisur një romancë.
Kujtojmë që pas ndarjes nga Anwar Hadid në vitin 2021, krijuesja e hiteve u përfol për një tjetër romancë me aktorin spanjoll, Aron Piper.
Përkundër që ata u panë në disa dalje së bashku, zëra për një lidhje romantike nuk janë komentuar nga asnjëra palë.
