Anëtari i Këshillit Grevist, Ali Sefaj, ka denigruar keq gjuhën dhe e ka fyer deputetin e Kuvendit të Kosovës, Dimal Bashën, raporton KosovaNews.
Sindikalisti që po kërkon dialog e para shtesë në emër të punëtorëve ka shkalluar deri në atë masë sa e e ka quajtur qen deputetin.
E gjithë kjo pasi duket se Sefaj nuk ka duruar debatin e përplasjen që pati deputeti Dimal Basha me kreun e SBAShK-ut, Rrahman Jasharaj.
“Nga diskutimet në Komisionin për Arsim dhe në korridoret e Kuvendit të Kosovës shihet që qeveria nuk do që të mbyllet greva. Lidhne Dimal qenin!”, shkruan Sefaj, fjalë këto që nuk përkojnë me një person që përfaqëson punëtorët e flet në emër të tyre.
E lidhur me grevën në arsim dhe në disa institucione tjera, sot është debatuar në Komisionin për Arsim, Shkencë, Teknologji, Inovacion, Kulturë, Rini dhe Sport mes deputetëve dhe përfaqësuesit e Sindikatës së Bashkuar të Arsimit, Shkencës, Kulturës (SBAShK-ut).
Mbledhja në fjalë është zhvilluar me disa debate e përplasje mes të pranishmëve, ndërsa ka qenë Rrahman Jasharaj që nuk ka duruar kritikat e bëra nga deputeti Dimal Basha dhe ka lëshuar mbledhjen.
Mirëpo debati i nisur mes Bashës dhe Jasharajt ka vazhduar edhe në hapësirat e korridorit të Kuvendit.
Por e gjithë kjo ishte në suaza të një përplasje të argumenteve, deri sa denigroi gjuhën Ali Sefaj.
