Iniciativën e nisur me të ardhë në pushtet, për rithemelimin e Institutit që do t’i dokumentojë krimet e luftës, Qeveria e udhëhequr nga kryeministri Albin Kurti do ta dërgoj tutje. KosovaNews mëson se sot në Qeveri votohet Instituti për Krimet e Luftës, raporton KosovaNews.
Synimet ishin që në Qeverinë Kurti I të bëhej ky institut, por ndërrimi i dy qeverive brenda vitit 2020 ka bërë që të ngecë procesi i rithemelimit të Institutit për Krime Lufte.
Ekzekutivi aktual me të marrë mandatin shprehu gatishmërinë dhe synimin që pas miratimit të programit qeverisës, ta themelojë grupin e ri punues për këtë institut.
Grupi në fjalë është përbërë nga zyrtarë të Ministrisë dhe anëtarë të shoqërisë civile, përfshirë këtu organizata të profilizuara në çështjen e dokumentimit të krimeve të luftës.
Dhe tashmë pas mbarimit të gjithë procedurave Qeveria e Kosovës sot e voton themelimin e Institutit për Krimet e Luftës.
Kujtojmë se Instituti për hulumtimin e krimeve të luftës ishte hapur në vitin 2011, ndërsa u mbyll në vitin 2018 me vendim të Ministrisë së Drejtësisë së atëhershme. E pas kaq vitesh Qeveria e tashme nën udhëheqjen e Albin Kurti ka vendosur që ta theleloj këtë institut, që do t’i dokumentojë krimet e luftës që ka bërë Serbia në Kosovë./KosovaNews/
